| Waiting 的个人资料Waiting in Melbourne随遇而安照片日志列表 |  工具  帮助 |
|
|
7月14日 下輩子也要找到你+張艾文唔知依個故仔家吓响香港有幾HIT...不過至少都係我一個friend推薦我上張艾文個blog, 話首歌背後有個感人故事, 我先知有個咁嘅故仔...
噚日用咗差不多7-8個鐘, 睇哂入面d帖, 講真, 有少少失望! (齋睇主帖梗係唔駛咁耐, 而係我仲睇埋張艾文對其他人回應嘅回應囉!!如果再認真d睇, 怕且用一日一夜都差不多喇!!!!)
總括嚟講, 我諗抄作嘅成份局多!!
唔係我唔相信依個世界有咁浪漫嘅愛情故事, 或者係忠貞嘅付出同等待, 只係單憑張艾文依個人, 我覺得有好大問題囉!
佢成個故事, 當中一定有d成份係真, 有d成份係假, 一個成功而可以令人相信嘅謊言, 一定唔會係絕對性100%嘅大話!
若果大家睇時, 無加自己嘅主觀感受/感情落去, 就好容易明白, 依個好有可能係一個半真實嘅大話囉!
有太多observation, 太多'破綻',尢其係件事越拖得耐, d漏洞就越明顯!!
其實, 如果張艾文係為咗佢幾首派臺新歌而抄作依件事, 相信佢嘅目的亦已經達到咗!! 畢竟, 响成個中國咁大, 要'突圍而出'都一定要用一d方法
同手段嘅!! 不過, 我都係要祝君好運! 皆因除非佢依個大話可以'收到尾', 否則, 一個唔好彩, 俾狗仔踢爆, 相信佢嘅收場都一定會好慘烈!!~~
我唔排除當中女主角係真有其人, 而佢嘅車禍亦似層層, 不過, 由個女仔走開始嘅一切, 包括張艾文貼帖嘅日記, 情信, video, 佢話佢自己嘅再生, 佢家姐同女主角家姐嘅回帖, 甚至美羅嘅blog... ... ...太多喇, 多到仲精彩過連續劇!!!
講真, 真係不敢恭維! 枉費我仲白白嘥咗咁多時間.....
|
|
|
