| Waiting 的个人资料Waiting in Melbourne随遇而安照片日志列表 |  工具  帮助 |
|
|
7月17日 生日的祝福....真真多謝哂喇, 各位!! 今年我其實係有d驚喜, 因為意外地有好多好朋友都記得我噚日嘅牛一, 紛紛送上祝福, 其實真係有d'受寵若驚'o架!! Anyway, 都想藉依個機會一一同大家say thank you啦(嗱, 排名不分先後架!!)!!
香港的.....
美寶:你知我發生嘅事o架喇, 不過都好開心你係今年第一個同我講happy birthday嘅老友嘅!
新袍仔: 雖然噚日無online, 今日一早開msn, 收到你嘅生日歌, 都真係好開心o架, 多哂喇!!
匿尼: 你都係, 今朝先睇到你'晨早'响我blog度留嘅言, 不過都想話你知, 其實你寫blog個時, 我地依邊已經係零晨4點幾喇, 即是呢, 唔係未到o架, 係快你地兩個鐘, 我諗你同美國或者加拿大混淆咗喇! 不過都好多謝你啦!...
Edna: 雖然你係今日見到我上msn先記得, 不過遲到好過無到啦, 都總算你有我心啦...記得差我一餐...hehehe..
Fan Fan: 真係多謝你嘅e-greeting喇, 仲好surprise今日可以响msn見到你online, 仲可以傾咗幾句!! 都係咁多年來好似第一次响msn Chat到...真開心呀!!!
馬飛: 收到你嘅e-貓都好意外o架, 你知啦, 前幾年都無話記得, 今年突然記得, 都有d意外架!! anyway, thank you哂喇, 我會再reply你o架喇!!
澳洲的....
屋企人(總之就係屋企人囉): 基本上, 熟我嘅人都知, 每年嘅新曆生日, 我一般都係同朋友過, 農曆先同屋企人過, 今年其實無mug另外, 只係多咗個更加親密嘅'他', 陪我過咗一個都幾難忘嘅生日! 雖然個過程唔完美, 有d瑕疵, 不過我都好開心搵到個咁體貼嘅另一半...所以呢, 真心多謝你....
基斯頓: 姊妹, 一如往日, 你由始至終都係我最好嘅姊妹! 每年生日, 你都係一定會記得, 都一定會親自同我講happy birthday! 真係好開心! 多謝呀!!
Anne San: 相信你應該收到我嘅sms, 雖然今日先收到你嘅message, 不過都好開心, 多謝哂喇!
今年係一個唔算特別嘅生日, (指年紀:p), 加上我今年都無特別張揚通知, 不過都有以上咁多人同我講生日快樂, 都真係會好開心, 好滿足...起碼証明我都仲未被'遺忘'啦, 兼且仲有好幾個知心!! hehe
anyway, 一句到尾, 我都祝大家每日開開心心, 事事順順利利, 身體健康, 幸福快樂啦!! 7月12日 I.T Blog??? T.I. Blog!!!計落計落, 都有好耐無响度落過'筆'喇...
唔係好似另一d朋友仔咁, "搬咗家"或者"移咗民", 只係好simple一個字----懶!!
講真, MSN嘅space都不失為一個好地方! 皆因如果唔係因為依度, 我都未必可以同班好友keep住update啦!!
不過, 無巧不成話, 响我有眾多嘅朋友仔blog名單中, 又不約而同, 最多update嘅, 就係我1301班T.I.友仔喇...可能, 大家畢竟都係I.T.人, 對依d新科技始終都係專門d啦...hehehe
 而今日, 都只係我心血來潮, 想話俾你地依班好朋友仔知, 我每日都有keep住睇你地d日記o架....
サラダ, 大頭仔, Cherry: 身子要緊呀, 唔好太勞慮喇, 真係'最緊要健康'呀!! 得得地匿尼: 其實人生都係咁, 生老病死都係一個必經階段! 不過, 我都好十仆你比較positive嘅reflection, 其實諗深一層, 如果一個人仙遊之後, 仲有咁多人會不捨同懷念佢, 其實都係一份福氣...希望你同屋企人都可以放開d啦...
新袍仔嘉雲: 喂, 睇e-貓, 你個gathering反應都ok啦, 你個heart都係仲有d威力嘅...hehe..
|
|
|
